- Gurpeguik ziurtatzen duenez, «pertsona kalteberekin intentsitate handiagoz jarduteko betebeharra dugu»
Alfonso Gurpegui Enplegu eta Gizarteratzeko sailburuordeak gaur azpimarratu du Lanbide Euskal Enplegu Zerbitzua «leihatila bakarra» bihurtu dela legegintzaldi honetan, egoera kalteberan dauden pertsonei arreta emateko, eta ziurtatu du pertsona horiekin dugula betebehar sozial eta politiko handiena».
Gurpeguik parte hartu du gaur Bilbon Pobreziaren Aurkako Europako Sarearen «Bizitzeko Gutxieneko Diru-sarrerak eta Errenta Autonomikoak: pertsona kalteberentzako sistema eskuragarriak nola eraiki» izeneko jardunaldian, eta Sarearen ordezkariei Idoia Mendia Lehendakariordeak zuzentzen duen Sailaren «esker onik zintzoena» helarazi die, «Euskadi kohesionatu bat eraikitzeko zuen ekarpenagatik, non guztiok aurrera egingo dugun eta zailtasun gehien dituztennei bereziki laguntzen diegun». Gure sailak gaineratu duenez, «ez du ulertzen aurrera egingo duen Euskadi, guztiok aurrera egitea lortzen ez badugu».
Helburu horretan kokatu du legealdiaren hasieran Lehendakariordeak berak bere taldeari «kaletik ahalik eta hurbilen egoteko» egindako enkargua, bai eta Lanbide leihatila bakar bihurtzeko enkargua ere, «horren bidez, norbait egoera zaurgarri batean iristen denean, ez dugu beste batera bidaliko prestazioa konpontzeko».
Gurpeguik azaldu duenez, Bizitzeko Gutxieneko Diru-sarrera transferitzea «aurrerapauso bat izan zen autogobernuan, baina oso zaila izan zen gure sisteman sartzea, prestazioen izaera juridikoa dela eta. Gaur egun, ordea, leihatila bakarra dugu, funtsezko hiru arrazoi hauengatik: borondate politikoagatik, Lanbideko langileen konpromisoagatik, eta Hirugarren Sektorearen inplikazioagatik, ezinbestekoa baita gauzak hobeto egiteko «.
Ildo horretan, sailburuordeak defendatu duenez, «Sailean eta Lanbiden uste dugu Euskadi duela hiru urte baino hobea dela, politikarekin eta gizartearekin bat egiten jakin dugulako adostasunera iristeko eta konpontzeko bideak aurkitzeko». Gainera, honako hau adierazi du: «sistema publikoa eraginkorragoa da ez pertsona gehiago sartzen direnean, baizik eta benetan behar dutenak sartzen direnean eta pertsonei babesa emateko gai garenean, bizitza duin batekin bete-betean lotzen jakin dugulako».
Eta amaitzeko, gogorarazi du «Euskadin ez dagoela inor soberan. Batzuek zailtasun sozial edo pertsonal gutxiago dituzte bizitza osoa eta duina izateko. Eta batzuek zailtasun gehiago dituzte»; horregatik, «haiengan ere ahalegin handiagoa egin behar dugu, hor baitugu indar handiagoz jarduteko betebehar sozial eta politikoa».
