Sailburuak zoriondu egin ditu Gorka Ortiz de Urbina, «En Tol Sarmiento», Arabako wikimedistak, Amaia Calleja, Izaro Ayesta, Haizea González, Octavio Pereira, Adrián González, CaMinus elkartea eta Pilar auzoa.
Eusko Jaurlaritzako Berdintasun, Justizia eta Gizarte Politiketako sailburu Nerea Melgosa´k, Gasteizko Europa Biltzar Jauregian egin den Diario de Noticias de Álava egunkariaren galan saritutako pertsonen eta erakundeen «balio sozial handia» azpimarratu du gaur arratsaldean. Gorka Ortiz de Urbina, En Todo el Sarmiento, Arabako wikimedistak, Amaia Calleja, Izaro Ayesta, Haizea González, Octavio Pereira eta Adrián González, CaMinus elkartea eta Pilar auzoa —hirurogeigarren urteurrena ospatzen du— saritu ditu Arabako egunkariak.
Melgosak DNAko zuzendari Victor Goñi eta bertako gerente Roberto Ortiz de Urbina zoriondu ditu, «Diario de Noticias de Araba egunkariko eta Noticias taldeko langile eta kolaboratzaile guztiekin batera, gure gizartearen inguruan informazio eta entretenimendurako egunero egiten duzuen lan bikainagatik. Lan horrek irudi polit eta koloretsua erakusten du gaur, Eguberri garaiaren hasieran Diario de Noticias de Araba egunkariaren Sariak banatzen direnean».
Sailburuak gasteiztarrei Eguberriak zoriontzeko aprobetxatu du ekitaldia, «hemen eta munduko beste toki batzuetan sufritzen ari direnak ahaztu gabe. Abendua ospakizun ugari dauden hilabetea da. Planeta osoan, gerra eta hondamendi naturalekin eta gizakien egoera kezkagarriekin batera, gaurtik aurrera Eguberriak ospatzeko milaka modu egongo dira».
«Adibidez, Filipinetan Eguberrietako jaiak planetako luzeenak dira: irailean hasten dira eta urtarrileko lehen igandera arte ez dira amaitzen. Finlandian Eguberriak ospatzen dituzte kandela-koroa batekin eta saunara bidaiatuz. Erdialdeko Europan desfileak egiten dira Krampus pertsonaiaren inguruan: adarrak eta ahuntz gorputza dituen deabru bat da Krampus, eta gaizki portatu diren haurrak zigortzen ditu», aipatu ditu mundu osoko adibide gisa.
«Hemen Araban, eta Euskal Herri osoan, Olentzero, Mari Domingi eta Errege Magoak dira gure haurrei amets eginarazteaz arduratzen direnak, beti gure jaiotza dotoreetatik hurbil… Nik neuk, Gasteizko komunitate ukrainarrarekin batera, duela hamar egun hasi nituen Eguberriak San Bizente elizan San Nicolai-ri harrera eginez», nabarmendu du Melgosa´k.
