Gizarteak eta enpresek etengabe egiten diete aurre gero eta ohikoagoak eta bizkorragoak diren aldaketei, baina aldaketa horietara arin eta seguru egokitzea ez da beti erraza eta agerikoa enpresa eta pertsonentzat. Aldaketak kudeatu egin behar dira, pertsonak erresistentziara, motibazioa galtzera edo blokeatzera eraman ditzaketen ondorio kaltegarriak minimizatzeko.
Hori guztia dela eta, Garaia Parke Teknologikoak enpresak hainbat arlotako adituekin harremanetan jartzeko gune bat irekitzen du, elkar ezagutu, eztabaidatu, hausnartu eta erronka berriei irtenbidea emateko modu berriak ikas ditzaten. Helburua talentua indartzea eta giza baliabideak modu eraginkorragoan kudeatzeko tresna, ezagutza eta baliabide berritzaileak eta erabilgarriak eskaintzea da.
Otsaileko ostegun guztietan, goizeko 9:00etatik 11:00etara, jardunaldiak egingo dira, interesa duten guztientzat zabalik. Eskaintza gizarte osoari zuzenduta dago, oro har, taldean lan egiten duten pertsonei, giza baliabideen arduradunei, zuzendaritzei, erdi-mailako kargudunei eta publikoari edo hezkuntza-sektoreari begira lan egiten dutenei.
