Prospekzio Soziologikoen Kabineteak txosten bat egin du herritarrek etorkizunari buruz dituzten iritziak eta jarrerak aztertzeko
Euskadiren etorkizunari buruzko baikortasuna handitu egin da. Hala, 2016an, oso edo nahiko baikorren ehunekoa % 67 zen, eta orain % 72ra igo da. Pertzepzio positibo hori bera ikusten da orain haur direnen etorkizuneko bizitzari dagokionez ere. Hala, etorkizuneko bizitzari buruzko ezkortasuna % 61etik % 54ra jaitsi da 2016an. Azterlan honen gaia herritarrek etorkizunari buruz dituzten iritziak eta jarrerak aztertzea izan da. Landa-lana 2024ko otsailaren 26tik 29ra egin zen.
Euskal herritarrek uste dute bost urte barru gazteek gaur baino aukera gehiago izango dituztela bidaiatzeko (% 39 orain), unibertsitateko karrera egiteko (% 36 orain), edo lanbidea aukeratzeko (% 27 orain).
Euskal gizarteari gehien egozten zaizkion kalifikazioen artean, honako hauek nabarmentzen dira: «langilea» (% 88), «tolerantea» (% 80) eta «igualitarioa» (% 74).
