Gorroto-diskurtsoei aurre egiteko prestakuntza, Etxebizitzako, Gazteriako eta Migrazio Politiketako Departamentuak Nafarroako Gazteriaren Institutuaren bidez sustatua, 2.400 gazte inguruk jasoko dute 2024an, hainbat ikastaro eta tailerren bidez, erakundeetan, elkarteetan eta hezkuntza formal eta ez-formaleko zentroetan antolatuko direnak. Hala adierazi du gaur goizean Alfaro lehendakariordeak, Nafarroako Unibertsitate Publikoaren (NUP) udako ikastaro baten irekieran. Ikastaro horren helburua da horrelako mezuen aurrerapena desmuntatzeko eta geldiarazteko tresnak eskaintzea.
