Eusko Jaurlaritzako ordezkariek ETEKIN, Ekinomia Topaketan parte hartu dute gaur, Donostiako Aquarium-ean. Guztira, ehun pertsona inguruk bete dute aretoa. Topaketa hauek Kultura eta Hizkuntza Politika Sailak eta Euskadiko finantza-erakundeek sustatutatuta daude.
2024an egingo den hiruko lehen foroa da, eta ekonomia- eta finantza-gaiei buruzko hausnarketa sustatzea eta eremu horietako langileen arteko topagunea sortzea du helburu.
Lehen bilera honetan, Mikel Erkoreka Eusko Jaurlaritzako Erakundeen Baliabideen zuzendariak eta Itziar Agirre Gipuzkoako Ogasun eta Finantza foru diputatuak Ekonomia Itunaren gaia jorratu dute, eta enpresa-ehunarentzat eskaintzen duen lehiakortasunerako gakoak aztertu dituzte. Moderatzaile lanetan Esti Cosano jardun da, EiTBko ekonomia sailaren kazetari arduraduna.
