Ekitaldian izan dira Iker Iglesias, Eusko Jaurlaritzako Elikagaien Kalitate eta Industria zuzendaria eta Raimundo Ruiz de Escudero, HAZIko zuzendari nagusia.
Gaur aurkeztu da Bilboko Bizkaia Arenan Eusko Label pilota txapelketa. Aurkezpenean txapelketan parte hartuko duten pilotari guztiak egon dira eta familiaren argazkia atera ondoren, zozketa egin dute sailkapen fasea zehazteko. Txapelketa larunbata honetan, urriaren 5ean hasi eta azaroaren 24an amaituko da Bizkaia Aretoan.
Aurten ere, Eusko Label kalitatezko produktuen marka izango da txapelketa honen babesle nagusia, eta txapelketari izena emateaz gain, presentzia esanguratsua izango du frontoian eta ETBren zuzeneko emanaldietan. Eusko Jaurlaritzak eta HAZIk balorazio positiboa egin dute ekintzari buruz, eta azpimarratu dute babes horren helburua dela Eusko Label markaren ospea handitzea, Eusko Labela duten produktuen salmentak handitzea eta egunero ahalegin handia egiten duten ekoizleen lana duintzea, kontsumitzaileok kalitate bikaineko nekazaritzako elikagaien produktuez goza dezagun.
Ekitaldian izan dira Iker Iglesias, Eusko Jaurlaritzako Elikagaien Kalitate eta Industriako zuzendaria, eta Raimundo Ruiz de Escudero, HAZIko zuzendaria. Iker Iglesias zuzendariak aipatu duenez, «Eusko Labelek Lau t ‘erdiko Txapelketari emandako babesa talde-lanaren adibide garbia da. Erakundeek, pilotaren munduak eta lehen sektoreak elkarri laguntzeko ahaleginak egin ditugu, azken batean, partekatzen ditugun balioak – bai pilotaren kirolean, bai Euskadiko kalitatezko produktuetan – oso antzekoak direlako: benetakotasuna, tokiko sustraitzea, lankidetza eta dedikazioa. Balio horiek esfortzuaren bidez eraikitzen dira. Horregatik, Eusko Jaurlaritzak eta HAZIk uste dute beharrezko osagai guztiak ditugula lankidetza horrek emaitza bikainak izaten jarrai dezan«.
