Maitasunezko Gutunak, Bihotzaren Hitzak 2025 lehiaketak bere 30. urtebetetzea ospatuko du aurten, literatur sormena sustatzeko eta honetarako ekitaldi garrantzitsuenetako bat bihurtuz. Aurten, lehiaketak 700 euroko igoera izan du sarietan, sei kategoriatan banatutako 2.600 euroraino. «Zalantzarik gabe, jende asko dago lehiaketa honen zain, bere sentimenduak paper baten gainean adierazteko gogoz. 3 hamarkada baino gehiago daramagu maitasunari idazten, hunkitzen duten kontakizunak irakurtzen… Esan genezake literatura munduan gehien espero den lehiaketetako bat dela hau «, adierazi du Nerea Cantero Barakaldoko Kultura zinegotziak.
Barakaldoko Udalak hitzen bidez sentimenduak adierazteko gonbita egiten die letrak maite dituzten pertsonei. «Hori da Bihotzaren Hitzak, bertako zein munduko edozein lekutako idazleek beren esperientziak, grinak eta emozioak partekatzeko gunea, giza harremanen funtsa atzematen duten gutunetan islatuta», azaldu du Canterok. Parte hartu nahi dutenek abenduaren 16ra arte izango dute horretarako aukera, bihotzarenhitzak@barakaldo.eus helbidera bidalita.
Edizio berri honetan, lehiaketak maitasun-gutunen tradizioa bizirik mantendu nahi du teknologia nagusi den aro batean, parte-hartzaileak idazkera intimo eta zintzoaren boterea aztertzera animatuz.
Gainera, aurtengo ediziorako berrikuntza gisa, sariak 700 euro igo dira aurreko edizioarekin alderatuta, eta 2.600 eurora iritsi dira. Hauek dira sariak:
Euskararen kategorian:
- Lehen saria: 550 €eta diploma
- Accesit 1:300 €eta diploma
- Accesit 2:300 €eta diploma
Gaztelaniaren kategorian:
- Lehen saria: 550 €eta diploma
- Accesit 1:300 €eta diploma
- Accesit 2:300 €eta diploma
Tokiko egile onenaren sari berezia: 300 €eta diploma
Sari banaketa ekitaldia 2025eko otsailaren 15ean, larunbata, izango da, arratsaldeko 19:00etan, Gurutzetako Gizarte Etxean.
