- Irekiera pregoia Lizaso eta Egaña bertsolariekin
- Itsas Etxe Kofradiaren dibulgazio-lana aitortua
Raúl Pérez Iratxetak Nekazaritzako sailburuorde eta Raimundo Ruiz de Escuderok, Haziko zuzendari Getariako Txakolina Jatorrizko Deituraren presidente Itziar Eizagirrerekin batera, Getariako Txakolin Egunean parte hartu dute, San Anton egunean. Bertan, Eusko Jaurlaritzako Elikadura, Landa Garapen, Nekazaritza eta Arrantza Sailak eta Gipuzkoako Foru Aldundiak diruz lagundutako nazioartekotzea areagotzeko helburuak nabarmendu dituzte.
Topaketan Itxes Etxe Kofradia saritu da, Miren Garmendiak ordezkatua, eta Raúl Pérez Iratxeta, Raimundo Ruiz de Escudero, Nora Beltrán de Otalora, Itziar Eizagirre, Xabier Arruti eta Azahara Domínguez Urtizberea foru diputatuak, Haritz Alberdi alkatea eta Ruth Mozo izan dira 2024ko Txakolinaren uzta berriarekin dastatu eta eskaini dena. Irekiera pregoia Lizaso eta Egaña bertsolariek egin dute.
2007an, Getariako Txakolina izendapena Gipuzkoa osora zabaldu zen. Une honetan, txakolinaren oinarria den Hondarrabi mahats-barietateetako mahastiek 458 hektarea dituzte, eta euskal ardo hori 34 upeltegitan ekoizten dute. Getarian duen egoitzatik, Jatorrizko Deituraren Kontseilu Arautzaileak mahats autoktonoen jatorria -Hondarrabi Zuri eta Hondarrabi Beltza- eta horien elaborazio zaindua eta kalitate-kontrola Getariako Txakolinaren bermea eskaintzeko lan egiten du.
Hondarrabi Zuri eta Hondarrabi Beltza mahastien landatutako azalera 458 hektareakoa da. Barietate autoktonoak dira, eta Getariako txakolina egiteko erabiltzen dira. Honela daude banatuta: Getaria ( % 45), Aia ( % 15), Zarautz ( % 12), Zumaia ( % 4,5), Oñati ( % 3,5) eta Hondarribia ( % 3,5). Gainerako herriak % 16,5 dira, Aizarnazabal, Alkitza, Arrasate, Azpeitia, Beizama, Deba, Donostia, Hernialde, Mutriku, Oiartzun, Olaberria, Orio, Urnieta, Usurbil, Villabona, Zerain eta Zestoa artean. Getariako txakolinaren salmenten nazioarteko helmuga nagusiak Estatu Batuak, Eskandinaviako herrialdeak, Frantzia, Erresuma Batua eta Japonia dira.
