Inguraldek matrikulazio epea ireki du Aula Mentor Barakaldoko CISCO ikastaroetan, Barakaldoko Udalak sustatutako online prestakuntza zerbitzuan. Otsailaren 7ra arte, interesdunek plaza bat eskatu ahal izango dute lau ikastaroak egiteko: CCNA-versión7 ordenagailu-sareetan CISCO ziurtagiri akademikoa lortzeko aukera ematen duten hiru modulu eta zibersegurtasunari buruzko ikastaro bat. 4 ikastaroetako bakoitzak 5 hilabeteko iraupena du.
«Tresna eta ingurune teknologikoetan prestakuntza faktore bereizgarria da pertsonentzat, lan eta lanbide esparruan duten posizioa hobetzeko», ziurtatu du David Solla Inguraldeko presidenteak. «Gainera, horrelako ekimenek Barakaldo teknologia-prestakuntzan erreferente bihurtzen laguntzen dute».
Ordenagailu-sareetan CISCO ziurtagiri akademikoa lortzeko aukera ematen duten hiru moduluak eremu horretako prestakuntzarik osoena eskaintzeko diseinatuta daude. Hala, lehen modulua sareko oinarrizko kontzeptu eta teknologietan zentratzen da, sare txikien plangintza errazteko. Bigarrenak sare bat kommutatzeko eta bideratzeko oinarrizko kontzeptuak jorratzen ditu, sare txikiak planifikatzen eta inplementatzen lagunduz, eta askotariko aplikazioak txertatuz. Eta hirugarrenak sareen oinarrizko kontzeptuak eta teknologiak aurkezten ditu; sare txikiak planifikatzeko eta inplementatzeko beharrezko gaitasunak garatzen laguntzen du.
Bestalde, CCNA CyberOps Associate ikastaroa ordenagailu-sareetako CISCO ziurtagiri akademikoan ere sartuta dago, eta ikasleak trebatuko ditu zibersegurtasunean sortzen diren kalteberatasunak eta erabiltzen dituzten sistema eragileak ezagutzeko. Halaber, datu pertsonalak, korporatiboak eta azpiegitura guztiak babesteko erabiltzen dituzten eraso motak eta metodoak detektatzeko prestakuntza emango diete.
Aula Mentorreko CISCO ikastaroak – Hezkuntza eta Lanbide Heziketa Ministerioaren ekimena – otsailaren 1ean hasiko dira, eta 120 euroko kostu unitarioa dute. Matrikulazio-prozesua Aula Mentor Barakaldoko kanalen bidez egin behar da. Informazio gehiago nahi izanez gero, jarri harremanetan Aula Mentor Barakaldoko administratzailearekin; Iratxe Larrauri Telf.: 944789527 barakaldo@aulamentor.es.
