Begoña Pedrosa Hezkuntza sailburuak «Hezkuntza eta Teknologia» jardunaldien irekieran parte hartu du, eta hezkuntzaren arloko profesionalek parte hartu dute.
Euskadiko ikastetxe guztiek gailu elektronikoen erabilera arautu dute ikastetxeetan, Eusko Jaurlaritzako Hezkuntza Sailak iaz egindako eskaerari erantzunez.
El Correo egunkariarekin lankidetzan antolatutako jardunaldian, hezkuntzako eta unibertsitateko adituek gailu mugikorren interakzioari, sare sozialen erabilerari eta teknologia berriak ikaskuntza-prozesuetan sartzeari buruzko joerak azalduko dituzte gaur goizean zehar.
Eusko Jaurlaritzak Haur-hezkuntza, lehen hezkuntza, derrigorrezko hezkuntza, batxilergoa eta lanbide-heziketa ematen duten eta funts publikoekin sostengatzen diren ikastetxeetan telefono mugikorren eta erloju adimendunen erabilera arautzeko eskatu eta urtebete pasatu denean antolatu dute topaketa. Jardunaldiaren hasieran, Begoña Pedrosa Hezkuntza sailburuak azpimarratu duenez, «teknologiak balio erantsia eman behar dio hezkuntza-prozesuari».
Hezkuntzako titularrak gogorarazi du prestakuntza eta sentsibilizazioa oso garrantzitsuak direla prozesuan. Adostutako partaidetza-prozesuek eragina dute neurriak aplikatzeko orduan, eta iragarri du ikastetxe guztiek hartu dituztela eskola-jardueran gailu-mugikorren erabilera arautzeko behar diren neurriak; sare publikoko eta sare itunduko ikastetxeen % 100ak du telefono mugikorren eta erloju adimendunen erabilerari buruzko araudia barne-erregelamenduan. «Horietako batek ere ez du aukeratu gailuen erabilera askea» laburbildu du.
Etapen arabera ñabardurak hartzen ditu debekuak
Oro har, ikastetxeetan telefono mugikorren eta erloju adimendunen erabilera arautzeko joerak aldatu egiten dira etapen arabera. Lehen Hezkuntzan, ikastetxe gehienek (%85) erabateko debekua ezartzen dute, eta % 15ek baino ez dute onartzen gailuak helburu pedagogikoetarako erabiltzea.
Derrigorrezko Bigarren Hezkuntzan, kasu pedagogikoetan baimendutako erabilera ikastetxeen erdietan aplikatzen da.
Era berean, goiko etapei dagokienez, ikastetxeek ez dute erabateko askatasunik uzten gailu digitalen erabilerari dagokionez. Batxilergoan, ikastetxe publikoen laurden batek irakastorduetan erabateko debekua ezartzen du, eta hamarretik seik beti helburu pedagogikoarekin erabiltzeko aukera ematen du, irakasleek gainbegiratuta. Lanbide Heziketan, hamarretik 7k aukera ematen dute telefonoak helburu pedagogikoetarako erabiltzeko.
Gaiari buruzko hausnarketa pertsona jakitunekin
Gogoeta-testuinguruan, esparru horretan ikerketak egin dituzten aditu kaudimendunek hartu dute parte Gasteizko Europa Biltzar Jauregian, programa honi jarraituz:
9:00 Instituzio irekiera, Begoña Pedrosa Hezkuntzako sailburuaren eskutik.
9:15 “Consecuencias de la interacción entre las y los menores, smartdevices y sus plataformas sociales”. Pablo Santana Duchement, matematika-irakaslea Tenerifeko Colegio Salesiano San Juan Bosco de San Cristobal de la Laguna ikastetxean.
10:00 «Digitalizazioa hezkuntzan: eztabaida eraikitzaile baterako ideiak«. Amaia Arroyo Sagasta, Hezkuntza Bereziko irakaslea eta Ingurune Birtualetako Komunikazioan eta Hezkuntzan doktorea, Mondragon Unibertsitateko Humanitate eta Hezkuntza Zientzien Fakultatean.
10:45 Etenaldia.
11:15 «Pantailak ikasgelan eta ikasgelatik kanpo«. Laura Cuesta Cano, Cibercomunicación y Nuevos Medios unibertsitateko irakaslea, Camilo José Cela, Madril.
12:00 “Hacia un mundo de organizaciones (escuelas) inteligentes”. Javier Martínez Aldanondo, Knowledge Works-eko bazkidea, Knocoko zuzendaria eta NBEko aholkularia.
12:45 «Ikastetxeetan gailuen erabilera arautzeko prozesuari buruzko hausnarketa eta ondorioak«.
