The Good Pulse Company (Erresuma Batua), lekaleetan oinarritutako osagai jasangarrietan espezializatutako foodtech startup-a, elikagai plant-based-en hobekuntzarako proteina, zuntza eta almidoi funtzionalak garatzen dituena, besteak beste, esnekiak bezalako zaporea eta testura duten landare-jatorriko gaztak, On The Road leihaketaren laugarren geldialdiaren irabazle aukeratu dute. Oraingo honetan Londresen antolatu da geldialdia, foodtech startupei zuzendutako nazioarteko ekintzailetza-programa, University College of London (UCL) tokian tokiko kidearekin batera.
Ander López, GOe-Gastronomy Open Ecosystem-eko ekintzailetzaren arduraduna, eta Pierre-Jean Hanard, University College Londoneko ekintzailetzako irakasle laguntzailea eta hezkuntza arloko liderra, izan dira edukiaren eguna inauguratu dutenak.
GOe – Gastronomy Open Ecosystem lankidetzarako espazio irekia da, non gastronomiaren bitartez diziplinak eta pertsonak konektatzen dituen. Ekitaldian zehar, Raquel Martín, GOeren aliantza eta estrategien arduradunak, garatzea, konektatzea eta esperimentatzea funtsezkoak direla azpimarratu du: “GOe espazio dinamikoa da, non berrikuntza eta hazkundea esperientzia partekatuaren eta ekintzaile, inbertitzaile eta agritech sektoreko adituen arteko elkarreraginaren bidez sortzen diren.”
Londresen, otsailaren 5ean, antolatutako geldialdian, parte hartu duten startupek –The Good Pulse Company, Snapseat y Delita– beren proiektuak aurkeztu dituzte adituen epaimahaiaren aurrean. Epaimahaian izan dira Ander López, GOe-Gastronomy Open Ecosystem-eko ekintzailetzaren arduraduna; Itxaso del Palacio, Notion Capitaleko General Partner-a; Naoki Kamimaeda, Global Brain Corporation-eko sortzailea; eta Alejandra Morrow, Clay Capital-eko partnerra.
«Basque Culinary Centerren, Gastronomia Zientzietako Masterraren bidez, diziplinak konektatzen ditugu, gastronomiak sukalditik haratago nola erantzunak eman ditzakeen ikusteko», nabarmendu du Juan Carlos Arboleyak, Basque Culinary Centerreko Gastronomia Zientzietako Masterreko irakasleak. Halaber, Arboleyak programan zehar egindako lankidetza proiektu batzuk aipatu ditu, hala nola NASArekin espaziorako elikagaiak aztertzeko edo fermented foods-en ahalmena ikertzeko egindakoak.
Russ Shaw, TECH London Advocates-eko sortzailea; Ian Marsh, DN Capital-eko bazkidea; eta Magdalena Krön, UCL Kudeaketa Eskolako Ahalduneko Nazioarteko Kontseiluaren presidenteordea, mahainguru batean parte hartu dute “London Foodtech Ecosystem” izenburuarekin, eta bertan adimen artifizialak foodtech sektorean duen eragina aztertu dute, eta berrikuntzan eta irtenbide berrien garapenean duen funtsezko papera nabarmendu dute.
Azkenik, Ryuji Hirayama, UCL-ko Informatika Zientzietako irakasleak, «Acoustic Levitation in Action» izeneko lebitazio akustikoaren teknologia berritzailea aurkeztu du. Erakustaldian bertaratutakoek soinuzko uhinen bidez objektuak airean manipulatzeko modua ikusi dute, kontaktu fisikorik gabe.
Hurrengo txapelketak apirilaren 8an Bostonen izango da. Tokiko ekitaldi bakoitzeko startup irabazleek ikerketa eta berrikuntza proiektuak garatzeko aukera izango dute, 20 orduz, zentro teknologikoan. Gainera, denbora horretan, startupek Basque Culinary Center eta GOe-ren ekosistemako adituen eta aholkularien sarerako sarbidea izango dute, eta hainbat motatako laguntza jasoko dute, hala nola zentroko inbertitzaileen sarerako sarbidea, network edo tokiko ekosisteman lur hartzeko laguntza.
Azkenik, tokiko sei startup finalistak final handi batean lehiatuko dira. Finala 2025eko apirilean izango da, Donostian, eta herrialde bakoitzeko irabazleak aurrez aurre jarriko dira. Finalean, “On The Road” ekimenaren laugarren edizioko startup irabazlea aukeratuko da, eta startupen inkubagailuan sei hilabetez egoteagatik sarituko da. Horrez gain, 25 orduko txartel gehigarri bat emango da ikerketa teknologikoko proiektuetarako.
