Joan den ostiralean 18 urteko gazte bat atxilotu zuten Gasteizen emakume bati lapurreta egiteagatik eta bere lagun bati botila batekin eraso egiteagatik.
Goizaldeko 02:00ak zirela, Ertzaintzaren patruilak Gasteizko Alde Zaharrera hurbildu ziren, indarkeria erabiliz egin zuten lapurreta baten abisua jaso ondoren. Dirudienez, gazte batek emakume baten poltsa eta txamarra lapurtu zituen, hura ohartu gabe, taberna batean. Neskaren lagun bat, lapurretaz jabetu zenean, ustezko lapurraren atzetik irten zen, eta honek kristalezko botila bat hartu zuen, hautsi egin zuen eta atzetik jarraitzen zion gizonezkoari aurre egin zion eta bi ebaki egin zizkion aurpegian.
Ertzainak egin ziren egoeraren eta ustezko lapurraren kargu, zauritu zuen gizonezkoaren eta lekuko baten artean eutsi baizioten Hedegile kalean. Agenteek egiaztatu zuten susmagarriak berarekin zeramatzala biktimaren txamarra, telefono mugikorra eta dokumentazioa.
Horren aurrean, ertzainek atxilotu egin zuten, indarkeria erabiliz lapurreta egitea leporatuta.er
