Arabako Foru Aldundiak kultura politikak eta bere ehuna berreskuratzea sartuko ditu Foru Gobernuak Covid-19ak sortutako krisiari aurre egiteko diseinatzen ari den Lurraldea Suspertzeko Planaren aurrealdean. Helburua “inor atzean ez geratzea” izango da.
Ana del Val Kultura eta Kirol Saileko foru diputatuak iragarpen hori egin du pandemiak iraun duen bitartean bere sailak duen kudeaketa azaltzeko Arabako Batzar Nagusietan egindako agerraldian. “Gogor ari gara lanean partidak, politikak, helburuak eta orientazio estrategikoak berrantolatzeko, irizpide argi batekin: ahalik eta gehienari eustea eta gauzatzea, baina baita programak eta politikak birpentsatzea ere, harik eta normaltasun berrira itzuli arte etorriko diren faseei begira. Denok berrasmatu beharko dugu”.
Del Valek esan duenez, “ikuspegi horrek erabat aldatzen du 2008ko krisiaren kudeaketa, kultura izan baitzen paganoa”, eta gaineratu du foru gobernuak uste duela kulturak “balio ukiezina ematen duela, krisi honetan bereziki babestu beharrekoa, bertatik indartsuago ateratzeko; beraz, dagokion lekua emango diogu, eta herritarrei itzuliko diegu”.
Foru Aldundiko arduradunak, otsailaren amaieratik kronologikoki gutxikagutxika hartzen joan ziren jardunen errepasoa egiteaz gain, hau ziurtatu du: “sektorearekin harremanetan gaude eten gabe, ziurgabetasun handia baitute, eta aldi berean ulergarri bezain imajinaezina baita”.
Berreraikuntzari ekiteko, lau ardatzetan lan egiten dutela ziurtatu du Del Valek: errealismoa eta agertuz doazen eszenatokietara egokitzea, erakundeen arteko koordinazioa, sektoreari eta alderdiei aktiboki entzutea, eta neurriak etengabe gauzatzea, “erresistentziaren lehenengo fasetik, susperraldi eta berreskurapenaren bigarren fasea, azken fasera arte, hain zuzen, etorkizuneko ikuspegia, normaltasun berrira egokitzeko”.
“Horrela, sektorea bera, hainbat gobernu eta talde politiko proposatzen ari diren neurri guztiak aztertzen ari gara, helburu argi batekin: inor ez dadila atzean geratu”, gaineratu du.
Eskumen zerbitzuei eustea, ekitaldi finkatuei eustea, sektorea berreskuratzeko, berraktibatzeko eta egonkortzeko estrategia diseinatzea, laguntzak birformulatzea eta Plan Estrategikoa birformulatzea izango dira, gainera, etorkizuneko jarduketen lehentasuna. “Sektoreak bere lanetik bizi ahal izatea nahi du, ekitea, ikusgarri izatea, bere lana partekatzea, herritarrei onura eman, eta Foru Aldundia hor egongo gara hori posible izan dadin”, ziurtatu du.
