Izaskun Landaida Emakundeko zuzendariak «Emakumeen eta neskatoen aurkako sexu-indarkeriari buruzko irudikapenak eta diskurtsoak» ikastaroa ireki du gaur, Igor Alvarez EHUko Uda ikastaroetako zuzendariordearekin batera,Donostiako Miramar Jauregian. Ikastaro honen helburua da gizarteko hainbat eremutan sexu-indarkeriari buruz egiten diren narratibak hausnartzea eta aztertzea, hainbat eragile sozializatzaile garrantzitsuren bidez, hala nola Komunikazioa, publizitatea edo fikzioa, besteak beste. Landaidaren hitzetan, «irudikapen horiek, askotan, imajinario estereotipatu eta erredukzionistak erreproduzitzen dituzte, emakumeen bizitzarako mugatzaileak izateaz gain, beldurra eta izu sexual inolkulatzen dizkiete emakumeei kontrol sozialerako mekanismo gisa». Ildo horretan, gaur eta bihar egingo den ikastaroak eztabaidak sortu nahi ditu narratiba horiek nola eraikitzen diren ulertzeko, zalantzan jartzeko eta, azkenik, diskurtsoa aldatzeko estrategiak identifikatzeko, emakumeek irudikapen mugatzaile horiek gainditu ahal izan ditzaten.
Ikastaroan, besteak beste, Alcásserreko neskatilen hilketa eta Sanferminetan neska gazte baten taldeko bortxaketaren kasuak aztertzen ari dira. Indarkeria sexualak telesailetan duten tratamendua ere aztertzen ari dira.
Landaidak adierazi duenez, «uste dugu hedabideek, publizitateak eta abarrek errealitatearekin bat datozen jokabide-eredu berriak erakustsi behar dituztela, alde batera utziz rol eta estereotipo sexistak eta emakumeen aurkako indarkeria iraunarazten dutenak».
Gaur goizean Nerea Barjola Ramos EHUko feminismoetan eta generoan doktoreak parte hartu du «Narrativas sobre el riesgo sexual. El caso Alcásser y la construcción del terror sexual » hiztaldiarekin; Samara Velte Morán kazetariak,» Nik sinesten dizut: lerro arteko patriarkatua irakurtzen»hitzaldiarekin, sanferminetan Manadaren taldeko bortxaketaren kasuari emandako tratamendua aztertuz; Delicia Aguado Peláez ikus-entzunezko edukien ikertzaileak,» El #MeToo de la pequeña pantalla: evolución de la representación de la violencia sexual contra las mujeres en la Ficción » aurkeztu du eta María Rodó Záratek «Emakumeak eta beldurra espazio publikoan: ondorioak indarkeriaren pertzepzioan» hitzaldia eskaini du.
Bihar gaiaren inguruko bi mahai inguru ospatuko dira, gaurko hizlariekin eta beste hauekin: Iranzu Varela, Silvia Rugamas, Laia Serra eta Maitena Monroy.
